9مئی مقدمات:عدالت نےپنجاب حکومت کی استدعامنظورکرلی

9مئی مقدمات میں عدالت نےپنجاب حکومت کی استدعامنظورکرلی۔
سپریم کورٹ میں 9 مئی ملزمان کی ضمانت منسوخی کی اپیلوں پر سماعت چیف جسٹس یحییٰ آفریدی کی سربراہی میں تین رکنی بینچ نےکی،پنجاب حکومت کی جانب سے وکیل ذوالفقار نقوی عدالت میں پیش ہوئے۔
لاہور ہائی کورٹ نے 9 مئی کے ملزمان کی ضمانتیں منظور کی تھیں، جس کے خلاف پنجاب حکومت نے سپریم کورٹ میں اپیل دائر کی تھی ۔
پنجاب حکومت نے سینئر وکیل ذوالفقار نقوی نے عدالت سے استدعا کی کہ انہیں مقدمات کی تیاری کے لیے وقت دیا جائے۔
چیف جسٹس یحییٰ آفریدی نےریمارکس دیتےہوئے کہاکہ نو مئی کے مقدمات کل اور پرسوں بھی مقرر ہیں۔گزشتہ سماعتوں پر ایڈیشنل پراسیکیوٹر پیش ہو کر وقت مانگتے رہے، لیکن اب آپ وقت مانگ رہے ہیں، یہ طریقہ کار درست نہیں ہے ۔
چیف جسٹس یحییٰ آفریدی نے یہ بھی کہا کہ’یہ کوئی ایک کیس نہیں، بلکہ پچاس کے قریب اپیلیں ہیں‘۔
انہوں نے پنجاب حکومت کی درخواست پر کہا کہ اس ہفتے کے مقدمات ملتوی کر دیے جائیں تاکہ وکیل آئندہ ہفتے کی تیاری کر سکیں۔
وکیل ذوالفقار نقوی نے عدالت کو بتایا کہ کچھ اپیلیں کیس منتقلی کے حوالے سے ہیں۔
چیف جسٹس یحییٰ آفریدی نے کہا کہ’کیس منتقلی کا معاملہ ختم ہو چکا ہے، اس پر حکومت سے ہدایات لے لیں‘۔ انہوں نے یہ بھی کہا کہ’جج کا تبادلہ ہو چکا ہے، صرف جرمانے اور کچھ آبزرویشنز کی حد تک اپیل کی پیروی کی جائے گی۔
بعدازاں عدالت نے نو  اور دس مئی کے رواں اور آئندہ ہفتے مقرر تمام مقدمات کو ڈی لسٹ کر دیا۔
چیف جسٹس آفریدی نے کہا کہ’پنجاب حکومت کی مہلت کی استدعا منظور کی جاتی ہے، اور تمام مقدمات کی سماعت عید کے بعد ہوگی ۔عدالت نے تمام مقدمات عیدکےبعدتک ملتوی کردئیے۔