مکہ سے مدینہ کا سفر صرف 2 گھنٹے 20 منٹ میں طے حرمین ایکسپریس کی رفتار نے سب کو دنگ کر دیا

سعودی عرب کی حرمین ایکسپریس ٹرین خلیجی خطے کی تیز رفتار ٹرینوں میں شامل ہے، جو مکہ مکرمہ اور مدینہ منورہ کے درمیان 449 کلومیٹر کا فاصلہ تقریباً 2 گھنٹے 20 منٹ میں طے کرتی ہے۔ یہ ٹرین 300 کلومیٹر فی گھنٹہ تک کی رفتار سے چل سکتی ہے۔

حرمین ایکسپریس کا افتتاح 2018 میں کیا گیا تھا۔ یہ دنیا کی تیز رفتار برقی ٹرینوں میں بھی شمار ہوتی ہے اور حجاج کرام، عمرہ زائرین اور دیگر مسافروں کو تیز رفتار سفری سہولت فراہم کرتی ہے۔

اس منصوبے کے تحت 35 ٹرینیں اور 5 اسٹیشن شامل ہیں، جو مکہ مکرمہ، مدینہ منورہ، جدہ، کنگ عبدالعزیز انٹرنیشنل ایئرپورٹ اور کنگ عبداللہ اکنامک سٹی کو آپس میں ملاتے ہیں۔

حرمین ایکسپریس کی بدولت مقدس شہروں کے درمیان سفر پہلے سے زیادہ تیز اور آسان ہوگیا ہے، جس سے زائرین کو اپنے سفر کی منصوبہ بندی میں سہولت ملتی ہے۔