پی ٹی آئی واحدجماعت ہےجس نےشفاف انتخابات کروائے،بیرسٹرگوہر

چیئرمین تحریک انصاف بیرسٹرگوہرخان نےکہاہےکہ پی ٹی آئی175 سیاسی جماعتوں میں سے واحد سیاسی جماعت ہےجس نےشفاف انتخابات کروائے۔
الیکشن کمیشن کےباہرمیڈیاسےگفتگوکرتےہوئےچیئرمین پی ٹی آئی بیرسٹرگوہرخان کاکہناتھاکہ پاکستان تحریک انصاف کا انٹرا پارٹی الیکشن کا کیس سماعت کے لیے مقرر تھا، ہم نے جو دستاویزات جمع کروائے تھے وہ ابھی ایف آئی اے کے پاس ہیں، ہم نے درخواست کی تھی کہ ایف آئی اے سے تمام دستاویزات طلب کیے جائیں۔ پی ٹی آئی 175 سیاسی جماعتوں میں واحد جماعت ہے جس نے شفاف ترین انتخابات کروائے۔
بیرسٹر گوہر علی کامزیدکہناتھاکہ الیکشن کمیشن نے سپریم کورٹ میں درخواست کی کہ پاکستان تحریکِ انصاف کا اسٹرکچر موجود نہیں،مخصوص نشستوں کے حوالے سے جو معاملہ لٹکا ہوا ہے اس پر بھی جلد ہی فیصلہ ہوجائے گا، صرف پی ٹی آئی کے انٹراپارٹی انتخابات کو ٹارگٹ کرنا بدنیتی پر مبنی ہے، لاہور میں بھرپور جلسہ ہو گا،اب 2 اکتوبر کو سماعت ہے، ہمیں امید ہے اب الیکشن کمیشن مزید نہیں لٹکائے گا،سپریم کورٹ بھی اب چیزیں کو واضع کر چکی ہے۔
گفتگوکوجاری رکھتےہوئےاُن کاکہناتھاکہ الیکشن کمیشن کے لئے یہ مناسب نہیں وہ ایک پارٹی کے انٹرا پارٹی الیکشن پر بات کرے اور باقیوں کو چھوڑ دے،صرف پی ٹی آئی کے انٹراپارٹی انتخابات کو ٹارگٹ کرنا بدنیتی پر مبنی ہے، لاہور میں بھرپور جلسہ ہو گا،الیکشن کمیشن نے ایک اوردرخواست دائر کی تھی، یہ غلط تھا ،ہمارا جلسہ ضرور ہوگا اور سے کامیاب کریں گے۔