اسرائیل نے بیروت پر حملے میں امریکی بنکربسٹربم استعمال کیے، ایران

ایرانی وزیرخارجہ عباس عراغچی نےکہاہےکہ اسرائیل نے بیروت پر حملے میں امریکی بنکربسٹربم استعمال کیے۔
ایرانی سپریم لیڈرآیت اللہ خامنہ ای نےبیروت حملےکےبعدنیشنل سیکیورٹی کونسل کا ہنگامی اجلاس طلب کرلیا۔
ایرانی میڈیانےدعویٰ کیاہےکہ بیروت پراسرائیلی حملےکےنتیجےمیں حزب اللہ کے سیکرٹری جنرل حسن نصراللہ اور تحریک کے ایگزیکٹو کونسل کے سربراہ سید ہاشم صفی الدین بالکل صحت مند ہیں، اسرائیلی حملے سے انہیں کوئی نقصان نہیں ہوا۔
ایرانی وزیرخارجہ عباس عراغچی کاکہناتھاکہ اسرائیل نے بیروت پر حملے میں امریکی بنکربسٹربم استعمال کیے، ایران ہرصورت لبنان اور مزاحمت کا ساتھ دے گا۔
میڈیا رپورٹس کے مطابق خامنہ ای کے مشیرعلی لاریجانی نے کہا کہ اسرائیل نے سرخ لکیرعبور کردی ہے، صورتحال انتہائی سنگین ہوچکی، حزب اللہ کے پاس قائدانہ صلاحیت رکھنے والے بہت سارے کمانڈر اور رہنما ہیں۔حزب اللہ کے سربراہ کی ہلاکت کی صورت میں متبادل قیادت تحریک کو چلانے کے لیے تیار ہے۔