آئی فون کا فیچر، جس نے ایپل کے چیف ایگزیکٹو کو بھی حیران کر دیا

آئی فون کا فیچر، جس نے ایپل کے چیف ایگزیکٹو کو بھی حیران کر دیا۔آئی فون کا وہ فیچر، جس کا علم حیران کن طور پر ایپل کے چیف ایگزیکٹو ٹم کک کو بھی نہیں تھا۔
ایپل کی ڈیوائس آئی فون میں متعدد ایسے فیچرز موجود ہیں، جن کا علم بیشتر افراد کو نہیں ہوتا۔عام افراد سے ہٹ کر ایپل کے چیف ایگزیکٹو ٹم کک بھی آئی فون میں موجود ایک ایسے عام فیچر سے اب تک واقف نہیں تھے، جو بہت زیادہ عام استعمال کیا جاتا ہے۔
حال ہی میں وال سٹریٹ جرنل کو دیے گئےایک انٹرویو کے دوران انکشاف ہوا ہے کہ اپیل کے چیف ایگزیکٹوٹم کک آئی فون کے ایک بہت عام فیچر سے لاعلم ہیں، کیونکہ جب ان سےآئی فون میں موجود میسجنگ ایپ آئی میسج میں گروپ چیٹس کے نام کے بارے میں پوچھا گیا، تووہ اس بارے میں لاعلم نکلے،یعنی ایپل کے چیف ایگزیکٹو کو بھی علم نہیں تھا کہ صارفین آئی میسج گروپ چیٹس کے نام خود رکھ سکتے ہیں۔
دلچسپ بات یہ ہے کہ اس فیچر کا علم ہونے کے بعد ٹم کک نے بھی اب اسے استعمال کرنا شروع کر دیا ہے۔انٹرویو کے بعد اپنی سوش میڈیا پوسٹ میں ٹم کک نے بتایا ہے کہ انہوں نے اپنے کالج کے ساتھیوں کے گروپ کا نام روم میٹس رکھا ہے۔