فیس بک صارفین کیلئے بڑی خوشخبری، کمائی کا نیا ذریعہ متعارف

فیس بک کے صارفین کیلئے خوشخبری،میٹا نے اپنی مقبول ترین ایپ کے صارفین کو آن لائن کمانے کا نیا موقع فراہم کردیا۔
فیس بک دنیا کی مقبول ترین سوشل میڈیا سروس ہے ،جس کے ماہانہ صارفین کی تعداد 3 ارب سے زائد ہے،مگر فیس بک آن لائن پیسے کمانے کا بھی بہترین ذریعہ ہے۔درحقیقت متعدد افراد فیس بک کے ذریعے اضافی آمدنی حاصل کرتے ہیں۔اب میٹا نے فیس بک صارفین کو کمانے کا ایک نیا ذریعہ فراہم کر دیا ہے۔
کمپنی کی جانب سے ایک نیا فیچر متعارف کرایا گیا ہے جس کے ذریعے صارفین فیس بک پرایفیلیٹ affiliate لنکس کے ذریعے زیادہ آسانی سے پیسے کما سکیں گے۔اس فیچر کے تحت پوسٹوں بشمول ریلز، فوٹوز، ویڈیوز اور ٹیکسٹ وغیرہ کو زیادہ نمایاں کیا جاسکے گا۔اس اپ ڈیٹ کا بنیادی مقصد یہی ہے کہ صارفین کو کمپنیوں کے ساتھ شراکت داری کا بہتر موقع مل سکے اور ان کیلئے کمانے کے مواقع بڑھ جائیں۔
اس سے قبل ایفیلیٹ لنکس میں صرف کیپشنز میں یو آر ایل ڈسپلے ہوتا تھا،مگر نئی اپ ڈیٹ سے صارف کو زیادہ مؤثر طریقے سے ان لنکس کو استعمال کرنے کا موقع ملے گا، جس سے انگیج منٹ اور سیلز میں اضافہ ہوگا ، جس کی میٹا نے توقع ظاہر کی ہے۔
میٹا کی جانب سے یہ فیچر دنیا بھر میں فیس بک پیجز اور پروفیشنل پروفائلز کیلئے متعارف کرایا گیا ہے۔