ایپل کا نیا آئی فون17 سیریز دیکھنے میں کیسا ہو گا؟ تازہ ترین لیکس

آئی فون کے شوقین افراد کیلئے خوشخبری،ایپل کے17 سیریز کےفونز کیسے ہوں گے؟تازہ ترین لیکس نے آئی فون صارفین کو دنگ کر دیا۔
ایپل کا نیا آئی فون ایسا اسمارٹ فون ہوگا جیسا اب تک کسی نے نہیں دیکھا۔آئی فون 17 سیریز کو ستمبر 2025 میں متعارف کرائے جانے کا امکان ہے اوراس حوالے سے لیکس کا سلسلہ جاری ہے۔
تازہ ترین لیکس میں اس سیریز کے چاروں ماڈلز کے ممکنہ ڈیزائنز پر مبنی ڈمی سیٹس کی تصاویر جاری کی گئی ہیں۔یہ لیک ایک ایسے فرد کی جانب سے کی گئی ہے۔ جو ماضی میں بھی آئی فونز کے حوالے سے مستند لیکس کرچکا ۔ نئی لیک میں آئی فون 17، آئی فون 17 ائیر، آئی فون 17 پرو اور آئی فون 17 پرو میکس کے ممکنہ ڈیزائنز پر مبنی ڈمی ماڈلز کی تصاویر شامل ہیں۔
تصاویر میں ڈمی ماڈلز کے تمام اینگلز کو دکھایا گیا ہے اور اس سے ثابت ہوتا ہے کہ آئی فون 17 ائیر دیگر ماڈلز سے کتنا مختلف ہوگا،یعنی آئی فون 17 ایئر دیگر ماڈلز کے مقابلے میں بہت زیادہ پتلا فون ہوگا۔ڈمی ماڈلز کو دیکھ کر یہ ثابت ہوتا ہے کہ آئی فون 17 ائیر سے متعلق گزشتہ چند ماہ میں سامنے آنیوالی لیکس کافی حد تک درست ہیں۔یہ نیا فون 6.6 انچ کے ڈسپلے سے لیس ہوگا، جبکہ آئی فون 17 پرو میں 6.3 انچ جبکہ آئی فون 17 پرو میکس میں 6.9 انچ کا ڈسپلے دیے جانے کا امکان ہے۔
لیکس کے مطابق آئی فون 17پورٹ فری فون ہوگا ،جس کے بارے میں لیکس کافی عرصے سے سامنے آرہی تھیں۔ حقیقت یہ ہے کہ اب تک کوئی اور ایسا اسمارٹ فون تیار نہیں ہوسکا، جس میں کوئی پورٹ موجود نہ ہو ،لہٰذا کہا جا رہا ہے کہ یہ دنیا کا سب سے پتلا سمارٹ فون ہونے کے ساتھ پہلا پورٹ فری فون بھی ہوگا۔