وزیرخزانہ کی آئی ایم ایف کواصلاحات جاری رکھنےکی یقین دہانی

وفاقی وزیرخزانہ محمداورنگزیب نےبین الاقوامی مالیت فنڈز(آئی ایم ایف) کو حکومت پاکستان کی جانب سےکی جانیوالی اصلاحات جاری رکھنےکی مکمل یقین دہانی کرائی۔
وفاقی وزیرخزانہ محمداورنگزیب کی ایم ڈی آئی ایم ایف کرسٹالینا جورجیوا سےملاقات ہوئی۔جس میں وزیرخزانہ نےآئی ایم ایف کواصلاحات جاری رکھنےکی یقین دہانی کرائی۔
وفاقی وزیرخزانہ محمداورنگزیب نےاجلاس کی سائیڈلائن ملاقات میں سٹاف سطح معاہدےپراظہارتشکرکیا۔محمداورنگزیب نےپاکستان کےبہترہوتےمعاشی اشاریوں کےبارےمیں آگاہ کیا۔
فریقین نےٹیکس نظام ،توانائی ،سرکاری ملکیتی اداروں اورنجکاری کےشعبوں میں جاری اصلاحات پرروشنی ڈالی۔
وفاقی وزیرخزانہ نےتوانائی تجارت اورمنڈیوں اورمختلف معاشی شعبوں کےتنوع کی اہمیت پربھی زوردیا۔محمداورنگزیب نے معدنیات کےشعبےمیں امریکا کے ساتھ تعاون جاری رکھنےکی خواہش کااظہارکیااوروزیرخزانہ نےحکومت پاکستان کی جانب سےکی جانیوالی اصلاحات جاری رکھنےکی مکمل یقین دہانی کرائی۔اُنہوں نےوزیراعظم شہبازشریف کی جانب سےآئی ایم ایف سربراہ کودورہ پاکستان کی دعوت کابھی اعادہ کیا ۔
وزیرخزانہ نےنائب صداانٹرنیشنل فنانس کارپوریشن ہیلاشیخ روحوسےبھی ملاقات کی،محمداورنگزیب نے نجی شعبےکی اصلاحات اورتوانائی منتقلی کےشعبوں میں تعاون پرتبادلہ خیال کیا۔
دوسری جانب وفاقی وزیرخزانہ محمداورنگزیب نےامریکی کمپنی ڈیلوئٹ کی ٹیم سےبھی ملاقات کی،ملاقات میں توانائی کےشعبےمیں اصلاحات،معدنیات کی تلاش اورمارکیٹنگ پربریفنگ دی گئی۔