نئی اور کیوٹ گاڑی : پرانی اٹالین کار کی نئے انداز میں واپسی

پرانی اٹالین کار کی نئے اورکیوٹ انداز میں واپسی، گاڑیوں کے شوقین افراد کی بھرپور توجہ حاصل کرلی۔
نیویارک انٹرنیشنل آٹو شو 2025 میں نئی فیاٹ ٹوپولینو( Fiat Topolino )نامی کار کی نمائش کی گئی، جو 1930 کی کلاسک فیاٹ 500 سے متاثر ہو کر بنائی گئی ایک چھوٹی الیکٹرک کار ہے۔ٹوپولینو 2025 کے نیویارک انٹرنیشنل آٹو شو میں نمائش کیلئے سب سے چھوٹی کار کے طور پر سامنے آئی۔
شو میں فیاٹ ٹوپولینو کے ٹکسال سبز بیرونی، گول ہیڈلائٹس اور ریٹرو ہب کیپس نے اس کے ماضی کے یادگار ڈیزائن کی نمائش کر کے پرانی یادیں تازہ کر دیں۔کاروں کے تناظر میں فیاٹ ٹوپولینو 1936 سے 1955 تک کار ساز کمپنی کی تیار کردہ ایک چھوٹی اوراقتصادی کار کا عرفی نام ہے، جبکہ دلچسپ بات یہ ہے کہ ٹوپولینو ،مکی ماؤس کا اطالوی نام ہے۔
نئی فیاٹ ٹوپولینو کو یورپ میں سٹی ڈرائیونگ کیلئے ڈیزائن کیا گیا ہے۔فیاٹ ٹوپولینو ایک چھوٹی الیکٹرک کار ہے، جس کی لمبائی 2.53 ہے، اس میں ایک چھوٹی بیٹری اور موٹر نصب ہے اور اس کی تیز ترین رفتار 45 کلومیٹر فی گھنٹہ ہے اور اس کی رینج 75 کلومیٹر ہے، جو اسے شہر میں ڈرائیونگ کیلئے ساز گار بناتی ہے۔
رپورٹ کے مطابق الیکٹرک کار ٹوپولینو کو 100 فیصد یعنی مکمل چارج کرنے میں چار گھنٹے لگتے ہیں۔