نیویارک: اسلامی تعاون تنظیم کاپاک بھارت کشیدگی پراظہارتشویش

پہلگام واقعہ کےبعدکی صورتحال پراسلامی تعاون تنظیم نےپاک بھارت کشیدگی پراظہارتشویش کیا۔
اوآئی سی نےکشیدگی میں کمی پرزوردیااورجموں وکشمیرکےعوام کےلئےحق خودارادیت کی حمایت کااعادہ کیا۔
اوآئی سی نےمشترکہ بیان جاری کیاجس میں کہاگیاکہ پاکستان کےخلاف بےبنیادالزام عائدکرکےبھارت خطےمیں کشیدگی کوہوادےرہاہے،بھارت کےالزامات سےپہلےسےہی غیرمستحکم صورت حال مزیدخراب ہونےکاخطرہ ہے۔
مشترکہ بیان میں مزیدکہاگیاکہ دہشت گردی کوکسی بھی مذہب اورقوم سےجوڑنے کی کوششوں کومسترد کرتےہیں،غیرحل شدہ تنازع کشمیرجنوبی ایشیامیں امن وسلامتی کومتاثرکرنےوالابنیادی مسئلہ ہے،بھارت جموں وکشمیرکےعوام کواقوام متحدہ کی قراردادوں کےمطابق حق خود ارادیت دینےسےانکارکررہاہے۔
اپنے بیان میں او آئی سی گروپ نے کہا کہ دہشت گردی، اس کی تمام شکلوں اور مظاہر کی مذمت کرتے ہیں، جس کا ارتکاب کسی بھی طرف سے اور جہاں بھی کیا ہو، دہشت گردی کے ساتھ کسی بھی ملک، نسل، مذہب، ثقافت یا قومیت کو جوڑنے کی تمام کوششوں کو واضح طور پر مسترد کرتے ہیں۔
علاوہ ازیں او آئی سی پاکستان کے اس موقف کو سراہتا ہے کہ وہ کسی قسم کی کشیدگی کا خواہاں نہیں ہے اور باہمی احترام اور کشمیری عوام کی جائز امنگوں کے مطابق سفارتی تعلقات کا حامی ہے۔