گرمی کی لہر، پارہ 50 ڈگری کو چھونےکا امکان، ہیٹ ویو الرٹ جاری

ملک بھر میں شدید گرمی کی لہر، پارہ 50 ڈگری کو چھونےکا امکان،محکمہ موسمیات نے اسلام آباد، پنجاب، خیبرپختونخوا اور سندھ سمیت ملک کے بیشتر علاقوں میں شدید گرمی کی پیشگوئی کرتے ہوئے ہیٹ ویو الرٹ جاری کر دیا ۔
محکمہ موسمیات کے مطابق کشمیر، گلگت بلتستان اور بلوچستان میں بھی موسم انتہائی گرم رہنے کا امکان ہے۔
محکمہ موسمیات کے مطابق آئندہ درجہ حرارت 43 سے 50 ڈگری سینٹی گریڈ تک جا سکتا ہے، جس کے باعث عوام کو ہیٹ سٹروک اور پانی کی کمی جیسے مسائل کا سامنا ہو سکتا ہے۔
محکمہ موسمیات کاکہناہےکہ ملک کےبیشترعلاقوں میں موسم گرم اورخشک رہنےکی توقع ہے،وفاقی دارالحکومت اسلام آبادوگردونواح میں موسم شدیدگرم رہنے کا امکان ہے،پنجاب کےبیشتراضلاع میں موسم گرم اورخشک رہنےکی توقع ہے۔
موسم کاحال بتانےوالوں کاکہناہےکہ خیبرپختونخواکےبیشتراضلاع میں موسم گرم اور خشک رہنےکی توقع ہےاُدھرسندھ کےبیشتراضلاع میں موسم گرم رہنےکاامکان ہے،دوسری جانب بلوچستان کےبیشتراضلاع میں موسم گرم رہنےکی توقع ہے۔