خیبرپختونخوا کے ونٹر زون میں کالجز اور یونیورسٹیز بند کرنے کا اعلان

طلبا و طالبات کیلئے اہم خبر،سکول کالج کھلتے ہی پھر بند کرنے کا فیصلہ سامنے آ گیا۔
خیبرپختونخوا حکومت نے ونٹر زون میں کالجز اور یونیورسٹیز بند کرنے کا اعلان کر دیا۔اس حوالے سےجاری اعلامیے میں کہا گیا ہے کہ کالجز اور یونیورسٹیز 19 سے 25 اگست تک بند رکھے جائیں گے۔ یہ اقدام طلبا کیساتھ اساتذہ اور سٹاف کی زندگیوں کو محفوظ بنانے کیلئے کیا گیا ہے۔
اعلامیے کے مطابق یونیورسٹیوں اور کالجوں تدریسی سرگرمیاں جاری رکھنے کیلئے آن لائن طریقہ کار اپنا یا جا سکتا ہے۔
وزیر ہائیر ایجوکیشن مینا خان آفریدی کا کہنا ہے کہ متاثرہ علاقوں میں اعلیٰ تعلیم کی مد میں ریلیف دینے کیلئے منصوبہ بندی کی ہے، سیلاب کی وجہ سےطلبا کو آسانی اور سہولیات کی کمی محسوس نہیں ہونے دیں گے۔
دوسری جانب ضلع مالاکنڈ میں بھی سرکاری اور نجی تعلیمی ادارے ایک ہفتے کیلئے بند کر دیے گئے ہیں۔اسی طرح سوات میں بھی سیلاب متاثرہ علاقوں کے سرکاری ونجی سکول 25 اگست تک بند رہے گے۔