معروف بھارتی اداکارہ ٹرین حادثےمیں زخمی،ہسپتال منتقل

معروف بھارتی اداکارہ کو ٹرین حادثےمیں زخمی ہونےکےباعث ہسپتال منتقل کردیاگیا،کرشمہ شرمانے مداحوں سے دعاؤں کی اپیل کردی۔
بھارتی میڈیا کے مطابق مشہور ویب سیریز راگنی ایم ایم ایس ریٹرنز سے شہرت حاصل کرنے والی اداکارہ کرشمہ شرما ایک افسوسناک حادثے کا شکار ہو گئیں۔
رپورٹس کے مطابق اداکارہ لوکل ٹرین میں سفر کر رہی تھیں جب ایک غیر متوقع صورتحال میں انہیں شدید چوٹیں آئیں۔
کرشمہ نے خودفوٹواینڈویڈیوشیئرنگ پلیٹ فارم انسٹاگرام پر ہسپتال سے اپنی ایک تصویر شیئر کرتے ہوئے واقعے کی تفصیلات مداحوں کے ساتھ شیئر کیں۔
انہوں نے بتایا کہ وہ اپنے دوستوں کے ہمراہ ٹرین میں سوار ہونے والی تھیں، لیکن کسی وجہ سے ان کے دوست سوار نہ ہو سکی۔ جیسے ہی ٹرین چل پڑی، وہ گھبرا گئیں اور چلتی ٹرین سے چھلانگ لگا دی، جس کے نتیجے میں انہیں کئی چوٹیں آئیں۔
اداکارہ نے بتایا کہ ان کی کمر پر چوٹیں آئیں، سر پر سوجن ہے اور جسم کے مختلف حصوں پر نیل پڑ گئے ہیں۔
کرشمہ نے مداحوں سے درخواست کی کہ وہ ان کی جلد صحتیابی کے لیے دعا کریں۔