غیرملکی میڈیکل گریجوایٹس کیلئے نیشنل رجسٹریشن ایگزام لازمی قرار

ڈاکٹری کی تعلیم کااعلیٰ ترین معیار،پاکستان میڈیکل اینڈ ڈینٹل کونسل نے غیرملکی میڈیکل گریجوایٹس کیلئے نیشنل رجسٹریشن ایگزام لازمی قراردےدیا۔
ترجمان پی ایم ڈی سی کا کہنا ہے کہ مریضوں کی حفاظت اولین ترجیح ہے،غیرملکی میڈیکل گریجوایٹس کیلئے این آر ای لازم ہے۔پرویژنل رجسٹریشن صرف تسلیم شدہ غیرملکی اداروں کے گریجوایٹس کو مل سکتی ہے،غیرتسلیم شدہ اداروں کے گریجوایٹس پہلے این آر ای پاس کریں گے۔
ای سی ایف ایم جی فہرست والے اداروں کے گریجوایٹس ہی این آر ای کے اہل ہیں،رجسٹریشن کے4 سے7 ہزارکیسز زیر التوا ہونے کا دعویٰ غلط ہے۔حقیقت میں صرف 700 کیسززیر التوا تھے، کئی امیدوار فیس ایڈجسٹ کرا چکے ہیں۔