ایپل کا آئی فون سمیت دیگر ڈیوائسز کیلئے نیا آپریٹنگ سسٹم متعارف

ایپل صارفین کیلئے اہم خبر، آئی فون سمیت دیگر ڈیوائسز کیلئے نیا آپریٹنگ سسٹم متعارف کروادیا۔
معروف امریکی ٹیکنالوجی کمپنی ایپل نے آئی فون سمیت اپنی دیگر ڈیوائسز کیلئے نیا سافٹ ویئر جاری کر دیا۔کمپنی کی تازہ ترین اپ ڈیٹس ڈاؤن لوڈنگ کیلئے دستیاب ہیں، جن میں آئی فون کیلئے آئی او ایس 26 اور میک، آئی پیڈ، ٹی وی اور سمارٹ واچ کیلئے نئے آپریٹنگ سسٹم شامل ہیں۔ایپل کی تاریخ میں پہلی بار ایسا ہوا ہے کہ ان سب کے ایک جیسے ورژن نمبر ہیں۔ ایپل نے چند ماہ قبل اعلان کیا تھا کہ کمپنی اپنے آپریٹنگ سسٹمز کا نام ریلیز کے بعد آنیوالے برس پر رکھے گی۔
نئی اپ ڈیٹ میں ایپل کی جانب سے متعدد نئی تبدیلیاں متعارف کروائی گئی ہیں ،لیکن ان میں سب سے اہم نئے ’’لیکوئڈ گلاس‘ ‘کی اپ ڈیٹ ہے، جو پورے سسٹم پر منعکس ہو رہی ہے،یہ ایک نیا لُک ہے، جس نے ہوم سکرین ایپ آئکون سے لیکر نوٹیفکیشن کے ظاہر ہونے تک ہر چیز بدل دی ہے۔اس کے علاوہ سسٹم میں موجود کچھ ایپس میں بھی بڑی تبدیلیاں کی گئیں ہیں۔