کیاہیلتھ ایپس معمر افراد کیلئے واقعی مفید ثابت ہوسکتی ہیں؟

کیاہیلتھ ایپس معمر افراد کیلئے مفید ثابت ہوسکتی ہیں؟حیران کن تفصیلات سامنے آ گئیں۔
متعدد طبی مطالعات ثابت کرتے ہیں کہ ہیلتھ ایپس عمر رسیدہ افراد میں ذیابیطس کو کنٹرول کرنے میں واقعی مددگار ثابت ہوسکتی ہیں، بشرطیکہ وہ ایپس مخصوص ضروریات کو مدنظر رکھ کر بنائی گئی ہوں۔بےشمارٹرائلز کے بعد یہ ثابت ہوا ہےکہ عمر رسیدہ افراد جنہوں نے ایپس استعمال کیں ،ان کےایچ بی اے ون سی( HbA1c )کے لیول میں تقریباً 0.4-0.5پوائنٹ کی قابلِ ذکر کمی ہوئی، کیونکہ یہ ایپس یاد دہانی کرواتی ہیں اور مریض کو وقت پر دوائی لینے اور بلڈ شوگر چیک کرنے میں مدد دیتی ہیں۔
مریض روز مرّہ کے فعل جیسے خوراک، ورزش، بلڈ شوگر کی سطح اور وزن وغیرہ ریکارڈ کر سکتے ہیں اور ذیابیطس سے متعلق ٹرینڈ دیکھ کر بہتر فیصلے لے سکتے ہیں۔یہ ایپس عموماً ذیابیطس کے اثرات، غذائیت اور صحت مند طرزِ زندگی پر تعلیم بخش معلومات فراہم کرتی ہیں ۔ یہ عمر رسیدہ افراد کو یہ سمجھنے میں مدد دیتی ہیں کہ کن باتوں کا خیال رکھنا ہے۔