انسٹا گرام کااپنے صارفین کیلئے نیاواچ ہسٹری نامی فیچر متعارف

انسٹا گرام میں صارفین کی سہولت کیلئے نیاواچ ہسٹری نامی فیچر متعارف، انسٹا گرام نے ریلز کیلئے زبردست فیچر متعارف کروا دیا، جس کا مقصد صارفین کیلئے ان ویڈیوز کی تلاش آسان بنانا ہے، جو وہ پہلے دیکھ چکے ہوں گے۔
رپورٹ کے مطابق انسٹا گرام نے واچ ہسٹری نامی فیچر کو متعارف کروانے کا اعلان کر دیا ہے، جو انسٹا گرام ریلز ویڈیوز کی ہسٹری جاننے میں مدد فراہم کرے گا۔
انسٹاگرام انتظامیہ نے توقع ظاہر کی ہے کہ اب صارفین ان ویڈیوز کو بآسانی تلاش کرسکیں گے ،جنہیں اس سے قبل ڈھونڈنا مشکل تھا۔یہ فیچر ریلز ویڈیوز دیکھنے کے شوقین افراد کیلئے مددگار ثابت ہوگا، خاص طور پر اس وقت اگر وہ کسی دلچسپ ویڈیو کو دیکھ رہے ہیں۔انسٹا گرام ایپ میں سیٹنگز، پھر یور ایکٹیویٹی اور پھر واچ ہسٹری پر کلک کرکے اس فیچر تک با آسانی رسائی ممکن ہے۔ اس فیچر میں سب سے اوپر وہ ویڈیوز موجود ہوں گی، جو حال ہی میں دیکھی ہوں گی اور نیچے پرانی ویڈیوز کو دیکھنا ممکن ہوگا، صرف یہی نہیں ،بلکہ اب صارفین کسی مخصوص تاریخ پر جا کر بھی اس دن کے مواد کو دیکھ سکتے ہیں۔