اماراتی حکومت کادبئی کو دنیا کا خوبصورت ترین شہر بنانےکا فیصلہ

متحدہ عرب امارات کی حکومت نے دبئی کو دنیا کا خوبصورت ترین اور جدید ترین شہر بنانے کیلئے 18 ارب درہم کے بڑے منصوبے کی منظوری دیدی۔
دبئی کے ولی عہد شیخ حمدان بن محمد نے اس منصوبے کا اعلان کرتے ہوئے کہا کہ دبئی میں فطرت اور جدت کو ساتھ لیکر ترقی کی نئی راہیں تشکیل دی جائیں گی۔اس منصوبے کے تحت پبلک پارکس اینڈ گرینری پروگرام کے ذریعے شہر بھر میں 630 نئے پارکس تعمیر کیے جائیں گے، تاکہ شہریوں اور سیاحوں کو بہتر ماحول، سبز مقامات اور تفریحی سہولتیں فراہم کی جاسکیں۔
مزید برآں سپورٹس سٹریٹیجک پلان 2033 کے تحت 75 نئے اقدامات متعارف کروائے جائیں گے ،جن کا مقصد دبئی کو عالمی سپورٹس حب میں تبدیل کرنا ہے۔
شیخ حمدان کے مطابق دبئی صرف کاروبار یا سیاحت کا نہیں، بلکہ معیارِ زندگی اور قدرتی حسن کے امتزاج کا بھی عالمی نمونہ بننے جا رہا ہے۔