9مئی کے11کیسزمیں عمران خان کےٹرائل کانیانوٹیفکیشن جاری

پنجاب حکومت نے9مئی کے11کیسزمیں بانی پی ٹی آئی عمران خان کےٹرائل کانیانوٹیفکیشن جاری کردیا۔
وزارتِ داخلہ پنجاب کی جانب سے جاری اعلامیے کے مطابق 9 مئی کے واقعات سے متعلق 11 مقدمات کی سماعت اب انسدادِ دہشت گردی عدالت میں ہوگی، جبکہ بانی پی ٹی آئی کو ویڈیو لنک کے ذریعے پیش کیا جائے گا۔
نوٹیفکیشن میں بتایا گیا ہے کہ 9 مئی کے 11 مقدمات کا ٹرائل آئندہ اے ٹی سی میں کیا جائے گا، اور ویڈیو لنک کے ذریعے پیشی کے ساتھ سکیورٹی انتظامات سے متعلق ہدایات بھی جاری کر دی گئی ہیں۔
واضح رہے کہ جی ایچ کیو حملہ کیس کی سماعت 5 نومبر کو انسدادِ دہشت گردی کی خصوصی عدالت میں ہوگی، جس میں بانی پی ٹی آئی کو اڈیالہ جیل سے ویڈیو لنک کے ذریعے کمرۂ عدالت میں پیش کیا جائے گا۔
سماعت انسداد دہشت گردی کی خصوصی عدالت کے جج امجد علی شاہ کریں گے۔