عمران خان کے حق میں بات کرتے ہوئے جاوید میانداد آبدیدہ ہوگئے

معروف سابق کرکٹر جاوید میانداد نے بانی پی ٹی آئی عمران خان کے حوالے سے گفتگو کرتے ہوئے جذباتی انداز اختیار کیا اور آبدیدہ ہوگئے۔

جاوید میانداد نے کہا کہ وہ عمران خان کو جانتے ہیں اور وہ ایک ایماندار انسان ہیں، وہ کھانے پینے والے آدمی نہیں ہیں، ورنہ بہت کچھ کر سکتے تھے۔

انہوں نے کہا کہ عمران خان کو اگر باہر نکالا جائے تو اس سے کیا فرق پڑے گا؟ کیا وہ پاکستان کو کھا جائے گا؟ یہ درست نہیں ہے، وہ بھی کسی کا بیٹا ہے۔

عمران خان کے حوالے سے گفتگو کرتے ہوئے جاوید میانداد جذبات پر قابو نہ رکھ سکے اور آبدیدہ ہوگئے۔