کترینہ کیف اوروکی کوشل کےہاں پہلےبچےکی پیدائش

بالی ووڈکی معروف جوڑی اداکارہ کترینہ کیف اوراداکاروکی کوشل کےہاں4سال بعد پہلےبچےکی پیدائش ہوئی ہے۔
اداکاروکی کوشل نےسوشل میڈیاایپ انسٹاگرام پراپنےآفیشل اکاؤنٹ سےمداح کےساتھ خبرشیئرکرتے ہوئے خوشخبری سنائی۔ان کےہاں بیٹے کی پیدائش ہوئی ہے۔جس کےلئےاداکارنےایک پوسٹربھی شیئرکیا۔
انہوں نے لکھا کہ ہماری خوشی کا بنڈل آ گیا ہے، بے پناہ محبت اور تشکر کے ساتھ، ہم اپنے بچے کو خوش آمدید کہتے ہیں۔
انہوں نے اپنے ننھے شہزادے کی تاریخ پیدائش بتاتے ہوئے لکھا کہ اس کی پیدائش 7 نومبر 2025 کو ہوئی ہے۔
اداکارکی جانب سے پوسٹ شیئر ہوتے ہی ساتھی فنکاروں، مداحوں اور فالوورز کی جانب سے مبارک باد اور ننھے شہزادے کے لیے نیک خواہشات کا سلسلہ جاری ہوگیا۔
واضح رہےکہ 9دسمبر2021کوکترینہ کیف نےاداکاروکی کوشل کےساتھ راجستھان کے ریزورٹ میں شاہی انداز میں شادی کی تھی۔