پی ایس ایل کو دنیا کی بہترین لیگ بنایا جائے گا،محسن نقوی

چیئرمین پاکستان کرکٹ بورڈ(پی سی بی)محسن نقوی نےکہاہےکہ پاکستان سپر لیگ(پی ایس ایل) کو دنیا کی بہترین لیگ بنایا جائے گا۔
پہلی بارپی ایس ایل کالارڈزکرکٹ گراؤنڈمیں روڈشومنعقدکیاگیا،جس میں گفتگو کرتےہوئے چیئرمین پاکستان کرکٹ بورڈمحسن نقوی کاکہناتھاکہ میرے لیے پاکستان سب سے پہلے ہے،پی سی بی اور پی ایس ایل کی انتظامیہ مشترکہ طور پر کرکٹ کی بہتری کے لیے کام کر رہی ہیں، پاکستان سپرلیگ کو دنیا کی نمبر ون لیگ بنانا چاہتے ہیں، ہمارے قومی کرکٹرز میں بہت صلاحیت موجود ہے۔
اُن کامزیدکہناتھاکہ پی ایس ایل میں نئی بڈ شفاف اور اوپن ہوگی، پی ایس ایل میں سرمایہ کاری کرنے والوں کو خاطر خواہ فائدہ ملتا ہے، اسلام آباد میں کرکٹ سٹیڈیم بنانے جارہے ہیں، ہر سٹیڈیم میں شائقین کے لیے میوزیکل کانسرٹ ہوگا، ہم امریکا کے شہر نیویارک میں بھی کرکٹ روڈ شو کرنے جارہے ہیں، ہم بہت جلد او ٹی ٹی پلیٹ فارم فراہم کریں گے۔
سی ای او پی ایس ایل سلمان نصیر کا تقریب سےخطاب کرتےہوئے کہناتھاکہ پاکستان کرکٹ کی ترویج کے لیے بھرپور کردار ادا کر رہا ہے اور پاکستان میں کرکٹ شائقین میدان میں اچھے کھیل سے لطف اندوز ہوتے ہیں۔ دو ٹیموں کی فرنچائز کے لیے بڈز اوپن ہیں۔
قومی ٹیم کےسابق کپتان وسیم اکرم نےکہاکہ پی ایس ایل پاکستان کے شائقین کرکٹ کے لیے تفریح کے اچھے مواقع فراہم کررہی ہے، پی ایس ایل میں مقامی ٹیلنٹ کو مواقع دے رہے ہیں،پی ایس ایل کی کامیابی میں سب کی محنت شامل ہے۔
رمیز راجہ کا کہنا تھا کہ پی ایس ایل سے پاکستان کرکٹ کے کھیل کو فروغ مل رہا ہے، پی ایس ایل سے نوجوان کھلاڑیوں کا عالمی کرکٹرز کے ساتھ کھیلنے کا موقع ملتا ہے۔