پاکستان عالمی معیار کے مطابق ڈیجیٹل نیشن بننے کی جانب گامزن

ڈیجیٹل ترقی کا انقلاب برپا،پاکستان اپنی ڈیجیٹل ترقی، سٹارٹ اپس اور اے آئی استعمال سے عالمی معیار کا ڈیجیٹل نیشن بننے کی جانب گامزن ہو چکا ہے۔
خصوصی سرمایہ کاری سہولت کونسل (ایس آئی ایف سی) کی معاونت سے پاکستان کے ڈیجیٹل سیکٹر کو فروغ ملا ہے اور ملک میں ٹیکنالوجی اور سرمایہ کاری میں خاطر خواہ اضافہ ہوا ہے۔
وفاقی وزیر برائے انفارمیشن ٹیکنالوجی شزہ فاطمہ خواجہ کا 27 ویں نیشنل سکیورٹی ورکشاپ سے خطاب کےدوران کہنا تھا کہ پاکستان کے ڈیجیٹل ایکوسسٹم میں 43 سافٹ ویئر ٹیک پارکس، 400 سے زائد ٹیک کمپنیز اور 85 انکیوبیٹرز شامل ہیں۔پاکستان میں نئی کمپنیوں ،سٹارٹ اپس کی تعداد 4ہزار100 سے زائد ہوگئی ہے، جبکہ پاکستان کے سٹارٹ اپس اور ٹیک کمپنیاں امریکا، برطانیہ، کینیڈا، یو اے ای، سعودی عرب اور دیگر ممالک میں اپنی خدمات انجام دے رہی ہیں۔
سٹارٹ اپس اور ٹیکنالوجی میں عالمی نمائندگی سے پاکستان میں ٹیکنالوجی کی ترقی اور برآمدات میں اضافہ متوقع ہے، پاکستان نے سٹارٹ اپس، اے آئی اور ڈیجیٹل سکلز میں 4.3 ملین افراد کو تربیت دی اور بین الاقوامی شراکت داری حاصل کی ہے۔
پاکستان نے حال ہی میں آئی ٹی سیکٹر میں 700 ملین ڈالر سے زائد کی سرمایہ کاری حاصل کی ہے، جبکہ عالمی کمپنی گوگل کی پاکستان میں موجودگی ملک کی ڈیجیٹل ترقی کی طرف اہم سنگ ِمیل ہے۔