پی سی بی نے انڈر19ٹیم کےسہ ملکی اورورلڈکپ کیلئے سکواڈکااعلان کردیا

پاکستان کرکٹ بورڈ(پی سی بی) نےپاکستان انڈر 19 ٹیم کا تین ملکی سیریز اور آئی سی سی انڈر 19 ورلڈ کپ کے لیےسکواڈکا اعلان کردیا،فرحان یوسف پاکستان انڈر 19 ٹیم کی قیادت کریں گے۔
تین ملکی سیریز زمبابوے میں 25 دسمبر سے 6 جنوری تک کھیلی جائے گی۔تین ملکی سیریز میں پاکستان، افغانستان اور میزبان زمبابوے شامل ہے۔
انٹرنیشنل کرکٹ کونسل (آئی سی سی )انڈر 19 ورلڈ کپ 15 جنوری سے 6 فروری تک نمیبیا اور زمبابوے میں کھیلا جائے گا۔ دونوں ٹورنامنٹس 50 اوور فارمیٹ میں کھیلے جائیں گے۔
پاکستان انڈر 19 سکواڈ میں ایک تبدیلی کی گئی ہےعمر زیب، محمد حذیفہ کی جگہ ٹیم میں شامل ہونگے۔پاکستان انڈر 19 ٹیم تین ملکی سیریز میں کم از کم چار میچز کھیلے گی۔تین ملکی سیریز کا فائنل 6 جنوری کو کھیلا جائے گا۔
پاکستان انڈر 19 سکواڈ:
(کپتان) فرحان یوسف، عثمان خان (نائب کپتان)، عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور، حذیفہ احسن، عمر زیب ٹیم میں  شامل جبکہ مومن قمر، محمد صیّام، محمد شایان، نقاب شفیق اور سمیر منہاس بھی سکواڈ کا حصہ ہیں۔