پی آئی اے نیلام،عارف حبیب گروپ نے 75فیصدشیئرز135ارب میں خرید لئے

پاکستان انٹرنیشنل ایئرلائن(پی آئی اے)بک گئی،عارف حبیب گروپ نے 75فیصدشیئرز135ارب میں خرید لئے۔
عارف حبیب کنسورشیم نے قومی ائیرلائن کی نجکاری کے لیے بولی کے تیسرے مرحلے میں سب سے زیادہ 135 ارب روپے کی بولی لگائی اور پی آئی اے کے 75 فیصد شیئرز خریدنے میں کامیابی حاصل کی۔
عارف حبیب کنسورشیم کےبعددوسری بڑی بولی لکی کنسورشیم نےاپنی آخری بولی 134ارب روپےلگائی تھی ،جوکہ دوسرےنمبرپررہے۔
اس سے قبل بولی کے پہلے مرحلے میں لکی کنسورشیم نے101.5 ارب روپےکی بولی لگائی تھی جبکہ ائیربلیو نے 26 ارب 50 کروڑ روپےکی بولی لگائی ۔عارف حبیب کنسورشیم گروپ نے 115 ارب روپے کی سب سے زیادہ بولی لگائی۔
دوسرے مرحلے میں لکی کنسورشیم نے 120.25ارب روپے کی نئی بولی لگائی جبکہ عارف حبیب کنسورشیم نے 121 ارب روپےکی نئی بولی لگائی۔اس طرح پی آئی اےکی خریداری کےلئے عارف حبیب کنسورشیم اورلکی کنسورشیم کےدرمیان مقابلہ کانٹےداررہامگرعارف حبیب گروپ نےآخری بولی 135ارب روپےکی دی اورپی آئی اےکے75فیصدحصص حاصل کرلیے۔
عارف حبیب کااپنےبیان میں کہناتھاکہ آج پاکستان کی جیت ہوئی،پی آئی اےکی نجکاری سےسرمایہ کاری کوفروغ ملےگا،پاکستان ایئرلائن نےاچھےدن دیکھےہیں ،پی آئی اےہماراقومی ادارہ ہے۔
اُن کامزیدکہناتھاکہ پی آئی اےکی نجکاری شفاف طریقےسےمکمل ہوئی،پی آئی اےمیں نیاسرمایہ لگےگا،پی آئی اےکےبعدمزیدنجکاری کےراستےکھلیں گے۔
دوسری جانب مشیر نجکاری کمیشن محمد علی کا کہنا تھا کہ قومی ائیرلائن کی نجکاری اصلاحاتی ایجنڈے کا حصہ ہے، حکومت کا مقصد قومی ائیرلائن کوبیچنا نہیں بلکہ اسے پاؤں پر کھڑا کرنا ہے، قومی ائیرلائن کی نجکاری سے ملک میں سرمایہ کاری آئےگی۔
مشیر نجکاری کمیشن کے مطابق حکومت چاہتی ہے قومی ائیرلائن ماضی کی طرح بہتر ہو، بولی سے حاصل رقم کا 92.5 فیصد حصہ قومی ائیر لائن کی بہتری پر خرچ ہوگا۔
انہوں نے مزید کہا کہ دو تہائی پیمنٹ شروع میں اور ایک تہائی پیمنٹ بعد میں کی جاسکےگی، ہم نے بڈرز کو بولی کے بعد دو پارٹیز کو اپنے ساتھ شامل کرنے کی بھی اجازت دی ہے۔