عبادت میں آسانی اور سکون کیلئےعازمین کو مفت آئس کریم اور دیگر مشروبات کی فراہمی جاری

سعودی عرب میں حج کے موقع پر لاکھوں  عازمینِ حج مختلف مناسک کی ادائیگی میں مصروف ہیں، جو دنیا کے سب سے بڑے سالانہ مذہبی اجتماعات میں سے ایک ہے۔

حکام کی جانب سے حجاج کرام کے لیے وسیع انتظامات کیے گئے ہیں، جن میں مفت ٹھنڈا پانی، مختلف مقامات پر مفت کھانے، سایہ دار آرام گاہیں، مِسٹ کولنگ زونز اور ٹرانسپورٹ کی سہولیات شامل ہیں۔

گرمی سے بچاؤ کے لیے متعدد مقامات پر عازمین کو مفت آئس کریم اور دیگر مشروبات بھی فراہم کیے جا رہے ہیں تاکہ وہ اپنے روحانی سفر کو آسانی اور سکون کے ساتھ مکمل کر سکیں۔

حج کے دوران سیکیورٹی، ہجوم کے انتظام، طبی سہولیات اور رضاکار خدمات کا بھی خصوصی اہتمام کیا گیا ہے تاکہ عازمین کو ہر ممکن سہولت فراہم کی جا سکے۔