کراچی کیلئے الگ اور مضبوط بلدیاتی ڈھانچہ تشکیل دینا وقت کی ضرورت ہے،رانا ثنا اللہ

رانا ثنا اللہ کے مطابق کراچی کے لیے الگ اور مضبوط بلدیاتی ڈھانچہ تشکیل دینا وقت کی ضرورت ہے، جبکہ بلدیاتی اداروں کو مؤثر اختیارات دیے بغیر شہری مسائل کا حل ممکن نہیں۔

انہوں نے کہا کہ اگر موجودہ انتظامی نظام مطلوبہ نتائج نہیں دے رہا تو نئے انتظامی یونٹس پر بھی غور کیا جا سکتا ہے تاکہ عوامی مسائل کو بہتر انداز میں حل کیا جا سکے۔

وزیراعظم کے مشیر نے کہا کہ مختلف سیاسی جماعتوں کی آرا کا احترام کیا جانا چاہیے، تاہم عوامی مسائل کے حل کے لیے عملی اقدامات اور باہمی مشاورت ضروری ہے۔

انہوں نے مزید کہا کہ صوبوں کو ملنے والے وسائل کے ساتھ سماجی بہبود اور عوامی خدمات کی ذمہ داری بھی مؤثر انداز میں نبھانا ہوگی تاکہ عوام کو حقیقی ریلیف فراہم کیا جا سکے۔