تیسراٹیسٹ،انگلش ٹیم 453 رنز بنا کر آؤٹ !پاکستان کیخلاف 320 رنز کی برتری

برمنگھم کے ایجبسٹن کرکٹ اسٹیڈیم میں کھیلے جا رہے تیسرے اور آخری ٹیسٹ میچ میں انگلینڈ کی ٹیم اپنی پہلی اننگز میں 453 رنز بنا کر آؤٹ ہو گئی ہے، جس کے بعد میزبان ٹیم نے پہلی اننگز میں پاکستان کے خلاف 320 رنز کی ایک پہاڑ جیسی بھاری برتری حاصل کر لی ہے۔
میچ کے پہلے روز پاکستان کی پوری ٹیم پہلی اننگز میں صرف 133 رنز پر ڈھیر ہو گئی تھی، جس کے جواب میں انگلینڈ نے حیران کن بیٹنگ کا مظاہرہ کرتے ہوئے پاکستانی بولنگ لائن کو بے بس کر دیا۔
پاکستان کو اس ٹیسٹ اور سیریز میں شرمناک وائٹ واش سے بچنے کے لیے اب اپنی دوسری اننگز میں غیر معمولی اور تاریخی بلے بازی کا مظاہرہ کرنا ہوگا۔