سکولوں میں سکیورٹی کو یقینی بنانے کیلئے نئے ایس او پیز جاری
طلبا و طالبات کیلئے اہم خبر،پنجاب بھر کے سکولوں میں سکیورٹی انتظامات مزید مؤثر بنانے کیلئے ایس او پیز جاری کر دیئے گئے۔
محکمہ سکولز ایجوکیشن کی جانب سے جاری کردہ ہدایت کے مطابق سکولوں کی کم از کم 8 فٹ بلند چار دیواری تعمیر کی جائے گی اور سکولوں کی چار دیواری پر ریزر وائر لگانا لازمی ہے۔سکولوں میں سی سی ٹی وی کیمروں کے ساتھ یو پی ایس کی تنصیب بھی لازمی قرار دی گئی ہے، جبکہ تربیت یافتہ سکیورٹی گارڈ کی تعیناتی، واک تھرو گیٹ اور میٹل ڈی ٹیکٹر بھی لازمی قرار دیا گیا ہے۔
سکول کے گیٹ پر وزٹر رجسٹر رکھنا بھی لازم ہو گا۔ ہنگامی صورتحال کیلئے پولیس کا رابطہ نمبر نمایاں طور پر آویزاں کرنے کی ہدایت کی گئی ہے۔
محکمہ تعلیم پنجاب کے مطابق ایس او پیز پر عملدرآمد نہ کرنیوالے سکول سربراہان کیخلاف کارروائی ہو گی۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔