امریکا:سفری پابندیوں کی فہرست 19ممالک سےبڑھاکر 30سے زائد کرنے کی تیاری

امریکانےسفری پابندیوں کی فہرست 19ممالک سےبڑھاکر 30سے زائد کرنے کی تیاری کرلی۔
امریکی ہوم لینڈ سکیورٹی کی سیکرٹری Kristi Noemنےامریکی میڈیاسےگفتگو کرتےہوئے بتایاکہ صدرڈونلڈٹرمپ اس بات کاباغورجائزہ لے رہے ہیں کہ سفری پابندیوں کی فہرست میں مزید کون سے ملک ہوں گے جن پر پابندیاں لگیں گی۔
چندروزقبل ٹرمپ انتظامیہ نےقومی سلامتی اورعوامی تحفظ سےمتعلق خدشات کے پیش نظرایسے19ممالک پرپابندی لگائی تھی جوکہ غیریورپی ممالک تھے۔ان ممالک کی جانب سے امریکاآنےوالےتاریکن وطن کی جمع کروائی گئی تمام امیگریشن درخواستوں کو روک دیا ہے، جس میں گرین کارڈ اور امریکی شہریت کی کارروائی بھی شامل ہے۔
غیر ملکی خبر ایجنسی کے مطابق یہ پابندی ان 19 ممالک کے افراد پر لاگو ہوتی ہے جنہیں جون میں پہلے ہی جزوی سفری پابندی کا سامنا تھا۔
سفری پابندی والےممالک کی فہرست میں افغانستان، برما، چاڈ، جمہوریہ کانگو، استوائی گنی، اريتريا، ہیٹی، ایران، لیبیا، صومالیہ، سوڈان اور یمن شامل ہیں، جن پر جون میں سب سے سخت پابندیاں عائد کی گئی تھیں اور جس میں چند استثناؤں کے ساتھ امریکا میں داخلے پر مکمل پابندی بھی شامل تھی۔
فہرست میں شامل دیگر 19 ممالک، جنہیں جون میں جزوی پابندیوں کا سامنا تھا، میں برونڈی، کیوبا، لاؤس، سیرالیون، ٹوگو، ترکمانستان اور وینیزویلا شامل ہیں۔