بھارت:بارشوں نےتباہی مچادی،99افرادہلاک،متعدد زخمی

بھارتی ریاست گجرات میں بارشوں نےتباہی مچادی،مختلف حادثات میں اب تک99افرادہلاک جبکہ متعددزخمی ہوگئے۔تیز بارشوں کی وجہ سے نظامِ زندگی درہم برہم ہو گیا۔
بھارتی میڈیاکی رپورٹ کےمطابق بارشوں کاسلسلہ ابھی بھی جاری ہےاورگرج چمک کےساتھ مزیدبارش کاامکان ہے۔جس کی وجہ سےریڈ الرٹ جاری کیا گیا ہے۔
بھارتی میڈیارپورٹ کےمطابق بارش سےسب سےزیادہ متاثر ہونے والے اضلاع  میں کچ، جام نگر، پور بندر، راجکوٹ شامل ہیں جہاں پرشدید بارشوں کی وجہ سے اب تعلیمی ادارے بند کرنےپڑےاور بجلی کی فراہمی بھی متاثر ہے۔رواں سال تیزبارشوں نے ریاست گجرات میں تباہی مچادی،کئی گاؤں سیلاب کی زدمیں آگئے۔
رپورٹ میں یہ بھی بتایا گیا ہے کہ نشیبی علاقوں میں موجود افراد کو محفوظ مقا م پر منتقل کردیا گیا ہے۔رواں سال مون سون میں شدیدبارشوں کےباعث بھارتی گجر ات میں مختلف حادثات میں اب تک 99 افراد ہلاک ہوچکے ہیں۔
بھارتی محکمہ موسمیات نے یکم ستمبر تک ریاست گجرات میں شدید بارش کی پیشگوئی کی ہے۔
اس کے علاوہ بھارتی دارالحکومت نئی دلی، جنوبی راجستھان، کونکن اور گوا میں بھی آج ہلکی سے درمیانی بارش جبکہ کچھ مقامات پر تیز بارش کا امکان ہے۔