اللہ کی مددسےآئندہ حملےمیں جوضرب اسرائیل کولگےگی وہ تکلیف دہ ہوگئی،ایران

ایران کےسپریم لیڈر آیت اللہ خامنہ ای نے کہاہےکہ اللّٰہ کی مدد سے آئندہ حملے میں جو ضرب صیہونی ریاست کو لگے گی وہ پہلے حملے سے کہیں زیادہ شدت کے ساتھ اور تکلیف دہ ہوگی۔
ایران کےسپریم لیڈرآیت اللہ خامنہ ای نےایکس سابق (ٹوئٹر)پراسرائیل پر میزائل حملوں کے بعد ایک ٹوئٹ کیاجس میں انہوں نے اسرائیل کو ایک اور وارننگ دیدی۔
آیت اللہ خامنہ ای نے یہ ٹوئٹ عبرانی زبان میں کی جو اسرائیلیوں کی زبان ہے۔ اس کامطلب ہےکہ انہوں نے براہ راست اسرائیلی حکومت کو تنبیہ کی ہے۔
ٹوئٹرپراپنےپیغام میں آیت اللّٰہ خامنہ ای نے لکھا کہ اللّٰہ کی مدد سے آئندہ حملے میں جو ضرب صیہونی ریاست کو لگے گی وہ پہلے حملے سے کہیں زیادہ شدت کے ساتھ اور تکلیف دہ ہوگی۔
قبل ازیں ایرانی سپریم لیڈرآیت اللہ خامنہ ای نےاپنی پہلی ٹوئٹ میں آرٹیفیشل انٹیلی جنس کی مدد سے بنی میزائلوں کی تصویر پوسٹ کی تھی جن پر ’نصر من اللہ و فتح قريب‘ لکھا ہوا تھا۔
یادرہےکہ ایران نے سربراہ حماس اسماعیل ہنیہ اور حزب اللہ کے سیکرٹری جنرل حسن نصراللہ پر حملے کےبدلےمیں اسرائیل پر 400 سے زائد بیلسٹک میزائل داغے جن میں سے اکثر ایف-35 جہازوں کے اڈے نیو اٹم ایئر بیس پر گرے تھے۔