امریکا میں مسلح افراد نے سکول کے بچوں پر فائرنگ کر دی

نیویارک: (پاکستان ٹوڈے) فائرنگ کا افسوسناک واقعہ امریکا کی ریاست پنسلوانیا میں پیش آیا جہاں مسلح افراد نے چھٹی کے بعد بس کے انتظار میں کھڑے بچوں پر اندھا دھند گولیاں برسا دیں، حملے کے نتیجے میں 8 طلباء شدید زخمی ہوئے جنہیں طبی امداد کیلئے قریبی ہسپتال منتقل کر دیا گیا۔

مقامی پولیس کے مطابق فائرنگ سے زخمی ہونے والے طلبا کی عمریں 15 سے 17 سال ہیں، زخمی بچوں کو فوری طور پر ہسپتال منتقل کیا جہاں ایک بچے کی حالت نازک بتائی جا رہی ہے، مسلح شخص جائے وقوعہ سے فرار ہو گیا جس کی تلاش میں چھاپے مارے جا رہے ہیں۔