سیاحت کا فروغ: چلم جوشی تہوار کا تیسرا روز، سیاحوں کی بھرپور شرکت

سیاحت کا فروغ ، چلم جوشی تہوار کا تیسرا روز، مقامی و غیر ملکی سیاح بھرپور شرکت کررہےہیں۔
وادی کیلاش میں چلم جوشی تہوار کا آج تیسرا روز ہے، اس تین روزہ تہوار میں مقامی افراد و سیاح بھرپور شرکت کر رہے ہیں۔
چلم جوشی تہوار کیلاش کے علاقوں بمبوریت، رمبور اور بریر کی دلکش وادیوں میں اپنی پوری آب و تاب کے ساتھ جاری ہے، جس میں ملک بھر سے سیاح اس ثقافتی میلے میں شرکت کے لیے کیلاش پہنچ چکے ہیں، جبکہ بین الاقوامی سیاح بھی کیلاش ثقافت کی رونق کو چار چاند لگانے کے لیے دور دراز ممالک سے تشریف لائے ہیں۔
اس تہوار کے دوران کیلاش قوم اپنے روایتی رقص، دلکش موسیقی اور رنگ برنگے ثقافتی اظہار سے سیاحوں کو محظوظ کرتی ہے، موسیقی کیلاش ثقافت کا اٹوٹ حصہ ہے جو ان کے مذہبی روایات میں گھری ہوئی ہے، جبکہ آج تہوار کا تیسرا اور اختتامی دن ہے، جو انتہائی جوش و خروش سے منایا جا رہا ہے، اس دن کیلاش برادری اپنی وادیوں میں امن و خوشحالی کی دعائیں مانگ رہے ہیں۔