فیک ویڈیوکیس:عدالت نےرولزاینڈریگولیشن طلب کرلئے

صوبائی وزیراطلاعات عظمیٰ بخاری کی فیک ویڈیوکیس میں لاہورہائیکورٹ نےایف آئی اےسےرولزاینڈریگولیشن طلب کرلئے۔
چیف جسٹس لاہورہائیکورٹ عالیہ نیلم نےصوبائی وزیراطلاعات عظمیٰ بخاری کی درخواست پرسماعت کی۔صوبائی وزیر اطلاعات عظمی بخا ری عدالت میں پیش ہوئیں۔
عدالت نے سوشل میڈیا کے حوالے سے رولز اینڈ ریگولیشن طلب کر لئےاور پی ٹی اے اٹھارٹی کو بھی آئندہ سماعت پر طلب کرلیا ۔عدالت نے تفصیلی رپورٹس 5 اگست کو طلب کرلی۔
وکیل درخواست گزارنےکہاکہ کل ایک نئی ویڈیو اپ لوڈ کی گئی ہے جو ایف آئی اے کو دیدی۔
عدالت نےکہاکہ کل جو حکم دیا تھا اس پر کیا ہے ،آپ ٹوئٹر ایکس سے کیسے رابطہ کرتے ہیں۔ کس قانون کے تحت ٹوئٹر ایکس کو کام کرنے کی اجازت دیتے ہیں ۔
ایف آئی اےافسرنےکہاکہ اس بارےمیں میرےعلم میں نہیں ہے۔
عدالت نےکہاکہ حیرت ہے آپ کو پتہ ہی نہیں ہے، دنیا بھر میں سروس فراہم کرنے والوں کیلئے ضوابط ہیں کیا یہاں نہیں ہیں ۔
ایف آئی اےافسرنےجواب میں کہاکہ پی ٹی اے اس قسم کے معاملات کو دیکھتا ہے ۔
عدالت نےریمارکس دئیےکہ ایکس سابق (ٹوئٹر) پوری دنیا کے ممالک میں شکایت پر جوابدہ ہے پاکستان میں نہیں ہے کیا ۔
ایف آئی اےنےکہاکہ ڈاکیومنٹ تو ہے لیکن سائن نہیں ہوا۔