قومی اسمبلی کا افتتاحی اجلاس: ایوان کے اندر تمام سیاسی جماعتوں کے نو منتخب ممبران کی فرنٹ لائن پر نشستیں الاٹ

اسلام آباد: قومی اسمبلی کے نئے مہمانوں کےلئے قومی اسمبلی ہال کی تزئیں و آرائش اور تمام انتظامات مکمل کرلئے گئے ہیں۔

ایوان کے اندر تما م سیاسی جماعتوں کے نو منتخب ممبران کو نشستیں بھی آلاٹ کر دی گئی ہیں، افتتاحی اجلاس میں نومنتخب ارکان کا ریڈ کارپٹ استقبال کیا جائے گا۔

مسلم لیگ ن کے قائد میاں نواز شریف ، شہباز شریف ، آصف زرداری، علیم خان اور راجہ پرویز اشرف کو حکومتی بنچز کی فرنٹ لائن پر نشستیں الاٹ کردی گئی ہیں۔

حکومتی بنچز پر قائد ایوان کے ساتھ پہلی نشست سابق وزیر اعظم نواز شریف کو الاٹ کی گئی ہے جبکہ نواز شریف کے ساتھ خواجہ آصف کو بھی نشست الاٹ کی گئی ہے حکومتی بنچزپر فرنٹ لائن میں آصف ذرداری ، بلاول بھٹو، خالد مقبول صدیقی ،علیم خان ،طارق بشیر چیمہ براجمان ہوں گے۔