لاہورمیں 5نئی تحصیلوں کاقیام:نوٹیفکیشن جاری

لاہورپانچ نئی تحصیلوں کےقیام کانوٹیفکیشن جاری،تحصیلوں کےاعتبارسےلاہورپنجاب کاسب سےبڑاشہربن گیا۔
لاہور میں مزید پانچ تحصیلوں کا اضافہ کردیا گیا۔مجموعی طور پر ضلع لاہور کی دس تحصیلیں ہوگئیں۔وزیراعلیٰ پنجاب مریم نوازنےلاہور کی نئی پانچ تحصیلوں کی منظوری دی تھی ۔منظوری کے بعد تحصیلوں میں اضافے کا نوٹیفکیشن بورڈ آف ریونیو نے جاری کردیا۔
پانچ نئی تحصیلوں کیلئے 5 اسسٹنٹ کمشنرز کی خدمات کمشنر لاہور کے سپرد کی گئی ہیں ۔ نئی پانچ تحصیلوں میں نشتر ، واہگہ ، اقبال ٹاؤن ، راوی اور صدر شامل کی گئی ہیں۔ موجودہ 5 تحصیلوں میں رائیونڈ ، ماڈل ٹاؤن ،لاہور کینٹ ، لاہور سٹی اور شالیمار تحصیلیں چل رہی ہیں۔