واٹس ایپ میں دلچسپ ڈیفالٹ چیٹ تھیم فیچر متعارف

0
28

پاکستان ٹوڈے: واٹس ایپ صارفین کیلئے خوشخبری۔ انسٹنٹ میسجنگ ایپ میں چیٹس کیلئے ایک دلچسپ فیچر متعارف۔

واٹس ایپ کی جانب سے ایک ایسے بہترین فیچر پر کام کیا جا رہا ہے، جو صارفین کیلئے چیٹ کے تجربے کو بدل دے گا۔میٹا کی زیر ملکیت میسجنگ ایپ میں ڈیفالٹ چیٹ تھیم نامی فیچر کو متعارف کرانے کیلئے آزمائش کی جا رہی ہے۔ ویب بیٹا انفو کی رپورٹ کے مطابق یہ فیچر واٹس ایپ کے آئی او ایس بیٹاورژن میں متعارف کرایا گیا ہے۔

اس فیچر کے ذریعے صارفین ایپ میں ایک ڈیفالٹ تھیم کو سیٹ کرنے کے ساتھ ایپ کے چیٹ ببلز کے کلرز(رنگ) بھی تبدیل کر سکیں گے۔ اس فیچر کے تحت صارفین کو ڈیفالٹ چیٹ تھیم کیلئے 5 مختلف رنگوں میں سے کسی ایک کا انتخاب کرنا ہوگا۔ یہ فیچر ایپ کی سیٹنگز مینیو میں موجود ہوگا اور وہاں گرین تھیم کے ساتھ ساتھ بلیو، گرے، ریڈ اور پرپل رنگوں میں سے کسی ایک کو منتخب کرنا ہوگا۔

رپورٹ کے مطابق اس فیچر کے ذریعے واٹس ایپ کی جانب سے صارفین کو میسجنگ کیلئے زیادہ بہتر تجربہ فراہم کیا جا رہا ہے۔جب صارف کی جانب سے کسی تھیم کا انتخاب کیا جائے گا تو چیٹ وال پیپر اور ببل کلر اس کے مطابق تبدیل ہو جائیں گے۔

Leave a reply