وزیر تعلیم رانا سکندر حیات کا ایرانی صدر ابراہیم رئیسی کی شہادت پر اظہار افسوس

پاکستان ٹوڈے: ابراہیم رئیسی سے گذشتہ دنوں دورہ پاکستان کے موقع پر تعلیمی شراکت داری پر تبادلہ خیال ہوا تھا۔

تفصیلات کے مطابق مرحوم ایرانی صدر نے پنجاب کی تعلیمی ترقی کیلئے ہمارے اقدامات کو سراہا تھا۔ مرحوم ابراہیم رئیسی کے ساتھ دو طرفہ تعلیمی تجربات کے تبادلے پر بھی اتفاق ہوا تھا۔

ابراہیم رئیسی تعلیم کے حوالے سے بھرپور ویژن رکھتے تھے۔ ابراہیم رئیسی کی شہادت کی خبر سے دل انتہائی رنجیدہ ہے۔ ایران کے دُکھ میں برابر کا شریک اور مرحوم کیلئے دُعا گو ہوں۔