پاک ایرانی کشیدگی کے بعد حالات کی بحالی میں تیزی سے پیش رفت دیکھنے میں آرہی ہے۔ سفارتی تعلقات کی بحالی کے بعد ایرانی وزیرخارجہ کی پاکستان آمد کا پروگرام بھی تشکیل پارہا ہے۔

پاک ایران تعلقات کی بحالی میں اہم پیشرفت
0
82

تفصیلات کے مطابق پاکستان اور ایران کے درمیان کشیدہ صورتحال میں بہتری آنے کے بعد دونوں ممالک کے سفیر 26 جنوری سے اپنی ذمہ داریاں سنبھال لیں گے۔

ترجمان دفترخارجہ کی جانب سے جاری اعلامیے میں بتایا گیا ہے کہ پاکستان اور ایران نے دونوں ممالک کے وزرائے خارجہ کی ملاقات کے بعد اس بات پر اتفاق کیا ہے کہ اسلام آباد اور تہران کے سفیر 26 جنوری سے دوبارہ اپنی ذمہ داریاں سنبھال لیں گے۔

دفتر خارجہ کے ترجمان کی جانب سے جاری بیان میں یہ بھی کہا گیا ہے کہ نگران وزیر خارجہ جلیل عباس جیلانی کی دعوت پر ایرانی وزیر خارجہ حسین امیرعبداللہیان 29 جنوری کو پاکستان کا دورہ کریں گے۔

Leave a reply