پی ٹی آئی، پی پی ملکرحکومت بنالیں،ن لیگ کوکانٹوں کاتاج سجانے کا شوق نہیں : سعد رفیق

پی ٹی آئی، پی پی ملکرحکومت بنالیں،ن لیگ کوکانٹوں کاتاج سجانے کا شوق نہیں : سعد رفیق

لاہور: (ویب ڈیسک ) رہنما مسلم لیگ ن سعد رفیق نے کہا ہے کہ تحریک انصاف پی ٹی آئ پیپلزپارٹی کیساتھ مل کرمرکز میں حکومت بنالے،مسلم لیگ ن کو کانٹوں کاتاج سجانے کا کوئی شوق نہیں۔

مسلم لیگ ن کےدو اہم رہنماؤں نے مرکز میں حکومت بنانے کے لیے اپنی پارٹی کی کوششوں کی اعلانیہ طور پر مخالفت کی ہے، ان کا کہنا ہے کہ پارٹی اس ’کانٹوں بھرے تاج‘ کو اپنے سر پر سجانے کی کوئی خواہش نہیں رکھتی۔

سماجی رابطے کی ویب سائٹ (ایکس) پر رہنما مسلم لیگ سعد رفیق نے رات گئے اپنی ٹوئٹ میں کہا کہ موجودہ قومی اسمبلی میں کسی کو قطعی اکثریت حاصل نہیں، وفاقی حکومت کی تشکیل مسلم لیگ ن کی نہیں پارلیمان میں موجود تمام جماعتوں کی مشترکہ ذمہ داری ہے۔

انہوں نے کہا کہ پی ٹی آئی کے حمایت یافتہ آزاد اراکین پہل کریں، پیپلز پارٹی کے ساتھ مل کر مرکزی حکومت بنالیں، ہم مبارکباد پیش کریں گے، مسلم لیگ (ن) کو کانٹوں کا یہ تاج اپنے سر پر سجانے کا کوئی شوق نہیں۔