کاغان: عید کے بعد 1 ہفتہ میں 3 لاکھ سیاحوں نے رخ کیا

0
12

مرغزاروں، آبشاروں اور کوہساروں کی سر زمین سیاحوں کی توجہ کا مرکز بن گئی ۔

مانسہرہ کی خوبصورت وادی کاغان میں عید کے بعد ایک ہفتے میں 3 لاکھ سیاحوں نے رخ کیا۔ کاغان ڈویلپمنٹ اتھارٹی کے مطابق عید الاضحیٰ کے بعد ایک ہفتہ میں سیاحتی مقام وادی کاغان میں 3 لاکھ سیاحوں کی آمد ہوئی ہے۔

ڈائریکٹر جنرل کاغان ڈیولپمنٹ اتھارٹی (کے ڈی اے) شبیر خان کا کہنا ہے کہ وادی کاغان میں 54 ہزار 300 گاڑیاں اور 14 ہزار 700 موٹر سائیکلیں داخل ہوئیں اور سیاحوں کی راہنمائی کے لیے ٹورزم پولیس کو تعینات کردیا گیا تھا۔ ڈی ایس پی بالاکوٹ کے مطابق شاہراہ کاغان پر 370پولیس اہلکار، 80 ٹریفک اہلکار اور 83 ٹورزم پولیس کے اہلکاروں تعینات کیا گیا۔

کے ڈی اے حکام کا کہنا ہے کہ لاکھوں سیاح جھیل سیف الملوک اور دیگر سیاحتی مقامات میں دلفریب مناظر سے محظوظ ہوئے۔ترجمان کاغان ڈویلپمنٹ اتھارٹی کے مطابق وادی کاغان کے تمام راستے ٹریفک کےلیے مکمل طور پر بحال ہیں اور کاغان آنیوالے سیاحوں کو مکمل رہنمائی فراہم کی جا رہی ہے۔

Leave a reply