کینجھر جھیل پر واٹر سپورٹس شروع کرنے کا فیصلہ

0
26

محکمہ ثقافت و سیاحت سندھ نے کینجھر جھیل پر واٹر سپورٹس اور پیرا گلائڈنگ شروع کرنے کا فیصلہ کر لیا۔

وزیر ثقافت و سیاحت سندھ ذوالفقار شاہ کا کہنا ہے کینجھر جھیل پر آزمائشی بنیاد پر واٹر سپورٹس سرگرمیاں شروع کی گئی ہیںتاہم واٹر سپورٹس اور پیرا گلائڈنگ کا باقاعدہ افتتاح جلد کیا جائے گا۔ گزشتہ سال جون میں سندھ حکومت نے کینجھر جھیل پر عالمی معیار کا سیاحتی مرکز بنانے کا فیصلہ کیا تھا۔

اس سلسلے میں وزیر توانائی سندھ امتیاز شیخ کی زیر صدارت سٹیرنگ کمیٹی کا اجلاس منعقد ہوا تھا جس میں کویت انویسٹمنٹ ایجنسی نے جدید ریزورٹ کے حوالے سے بریفنگ دی تھی اورامتیاز شیخ نے کہا تھا کہ حکومت کینجھر جھیل کو پرکشش سیاحتی مقام بنانے کیلئے پرعزم ہے، جہاں سیاحوں کو تمام جدید سہولیات فراہم کی جائیں گی۔

یہ جدید ریزورٹ جدید ترین سہولیات سے مزین ہوگا، اور اس کی تعمیر سے ملکی اور غیر ملکی سیاح اس تفریحی مقام کی جانب مائل ہوں گے۔وزیر توانائی کا کہنا تھا کہ کینجھر جھیل 24 کلو میٹر رقبے پر محیط ہے، جدید ریزورٹ کی تعمیر کیلئے مناسب جگہ کا تعین کیا جا رہا ہے، اس منصوبے کی تکمیل سے ملکی اور غیر ملکی زرمبادلہ حاصل ہوگا۔

Leave a reply