گوگل اے آئی اوور ویوز فیچرکے عجب انکشافات

0
22

پاکستان ٹوڈے: گوگل اے آئی اوور ویوز فیچراوور ہو گیا۔ دنیا کی معروف ٹیکنالوجی کمپنی گوگل کے اے آئی سرچ ٹول کی جانب سے صارفین کو عجیب و غریب جوابات دیے جانے کا انکشاف۔

تفصیلات کے مطابق گوگل سرچ میں گزشتہ دنوں اے آئی اوور ویوز نامی فیچر کا اضافہ کیا گیا تھا۔آرٹی فیشل انٹیلی جنس ٹیکنالوجی پر مبنی اس فیچر میں صارفین کو سرچ رزلٹس کے ساتھ مختلف جوابات بھی دیے جاتے ہیں،مگر اس اے آئی ٹول نے صارفین کو ایسے مشورے بھی دینے شروع کر دیے ہیں، جو کمپنی کو شرمندہ کر سکتے ہیں۔

جیسے ایک صارف کی جانب سے ڈپریشن کے بارے میں پوچھے گئے سوال پر اے آئی ٹیکنالوجی نے اسے سان فرانسسکو کے گولڈن گیٹ برج سے چھلانگ لگانے کا مشورہ دیدیا۔اسی طرح ایک صارف کے سوال پر اس نے پیزا کے اوپر موجود اجزا کو گلیو سے چپکانے کا مشورہ دیدیا۔ابھی یہ فیچر امریکا میں متعارف کرایا گیا ہے اور آنیوالے مہینوں میں یہ دنیا بھر کے صارفین کو دستیاب ہوگا۔

اے آئی اوور ویوز کے تحت سرچ رزلٹس کے اوپر مختصر سمری موجود ہوتی ہے، جو جیمنائی اے آئی ماڈل کی جانب سے فراہم کی جاتی ہے۔صارفین کے مطابق گوگل کے اے آئی ماڈل کے جوابات بہت عجیب ہیں۔گوگل نے ان عجیب جوابات کی تصدیق تو نہیں کی گئی ، تاہم کمپنی کے ایک ترجمان کا کہنا ہے کہ یہ عجیب جوابات غیر معمولی سوالات پر اے آئی ماڈل نے دیے۔

تاہم ان جوابات سے بیشتر صارفین کو ہونیوالے تجربے کی نمائندگی نہیں ہوتی، اے آئی ٹول کی جانب سے زیادہ تر صارفین کو معیاری تفصیلات فراہم کی جاتی ہیں اور ہم نے اس فیچر کو متعارف کرانے سے قبل اس کی اچھی طرح جانچ پڑتال کی تھی۔

Leave a reply