جوڈیشل کمیشن نےجسٹس باقرنجفی کانام سپریم کورٹ کےجج کیلئے منظورکرلیا

جوڈیشل کمیشن نےکثرت رائےسےجسٹس باقرنجفی کوبطورسپریم کورٹ کاجج تعینات کرنےکی منظوری دےدی۔
ذرائع کےمطابق چیف جسٹس یحییٰ آفریدی کی زیرصدارت جوڈیشل کمیشن کااجلاس منعقدہوا،جوڈیشل کمیشن کا اجلاس تقریباًڈھائی گھنٹےتک جاری رہا،جس میں تین نکاتی ایجنڈےپرغورکیاگیا۔اجلاس میں جسٹس باقرنجفی کوسپریم کورٹ لانےکی منظوری دی گئی۔جسٹس علی باقرنجفی کی بطورجج سپریم کورٹ تقرری کثرت رائےسےہوئی،10ممبران نے تعیناتی کےحق میں ووٹ دیاجبکہ 3ممبران نےمخالفت میں ووٹ دیا۔
ذرائع کاکہناہےکہ جسٹس شجاعت اورجسٹس باقرنجفی کیخلاف سابقہ آبزوریشنز حذف کردی گئیں،اجلاس میں 2کی جگہ ایک ہی جج کوسپریم کورٹ لانےکی منظوری دی گئی۔
ذرائع نےبتایاکہ قائم مقام چیف جسٹس کی جگہ جوڈیشل کمیشن کےنئےممبران کےتقررکافیصلہ کیا،جسٹس ریٹائرڈمقبول باقرکوسندھ سےممبرجوڈیشل کمیشن تعینات کردیاگیا،بلوچستان ہائیکورٹ سےجسٹس ریٹائرڈنذیرلانگوجوڈیشل کمیشن کےممبرتعینات ہوئے،اسلام آبادہائیکورٹ سےجسٹس ریٹائرڈشوکت عزیز صدیقی کمیشن کےرکن ہوں گے،پشاورہائیکورٹ سےجسٹس ریٹائرڈشاکراللہ جان کو ممبرجوڈیشل کمیشن تعینات کردیاگیا،بیرسٹرگوہراورعلی ظفرنےبھی جسٹس مقبول باقرکوووٹ دیا۔