ایڈیشنل رجسٹرار نےجان بوجھ کرتوہین عدالت نہیں کی،عدالت

جسٹس منصورعلی شاہ نےفیصلےمیں کہاکہ ایڈیشنل رجسٹرار نذرعباس نےجان بوجھ کرتوہین عدالت نہیں کی۔
سپریم کورٹ نےایڈیشنل رجسٹرار جوڈیشل نذر عباس کے خلاف توہین عدالت کے معاملے پر فیصلہ سنادیا۔ جسٹس منصور علی شاہ اور جسٹس عقیل عباسی پر مشتمل دو رکنی بینچ نے یہ فیصلہ دیا کہ نذر عباس نے جان بوجھ کر توہین عدالت نہیں کی۔ عدالت نے ان کے خلاف شوکاز نوٹس واپس لے لیا۔
مزید برآں عدالت نے پریکٹس اینڈ پروسیجر کمیٹی اور ججز آئینی کمیٹی کو جوڈیشل آرڈر نظر انداز کرنے پر تنقید کی اور ان کے خلاف توہین عدالت کی کاررروائی کے لیے معاملہ چیف جسٹس پاکستان کو بھیج دیا۔ چیف جسٹس پاکستان سے درخواست کی گئی کہ اس معاملے پر فل کورٹ تشکیل دیں۔
عدالت نے یہ بھی واضح کیا کہ جوڈیشل آرڈر کو انتظامی آرڈر کے ذریعے ختم نہیں کیا جا سکتا اور ججز کمیٹی اور آئینی کمیٹی نے عدالتی حکم کی خلاف ورزی کی۔ اس کے علاوہ پریکٹس اینڈ پروسیجر کمیٹی کو یہ اختیار نہیں کہ وہ جوڈیشل آرڈر کے بعد کیس واپس لے سکے۔
اس فیصلے کے نتیجے میں عدلیہ کے مختلف کمیٹیوں کے کردار اور اختیارات پر سوالات اٹھائے گئے ہیں۔