لوگ ہمارے اعمال دیکھ رہے ہیں اور تاریخ کبھی معاف نہیں کرتی،جسٹس منصورعلی

جسٹس منصورعلی شاہ نےکہاہےکہ لوگ ہمارے اعمال دیکھ رہے ہیں اور تاریخ کبھی معاف نہیں کرتی۔
جسٹس منصورعلی شاہ نےچیف جسٹس آف پاکستان قاضی فائزعیسیٰ کو 23 اکتوبر کوخط لکھا تھا جو اب سامنےآیاہے۔
ذرائع کے مطابق جسٹس منصور علی شاہ نے چیف جسٹس قاضی فائز عیسٰی کو نیا خط 23 اکتوبر کو لکھا ہے۔خط چیف جسٹس کو بطور سربراہ پریکٹس اینڈ پروسیجر کمیٹی لکھا گیا۔
جسٹس منصور علی شاہ نے خط میں لکھا ہے کہ لوگ ہمارے اعمال دیکھ رہے ہیں اور تاریخ کبھی معاف نہیں کرتی۔
جسٹس منصور علی شاہ نے خصوص بنچ میں بیٹھنے سے انکار کرتے ہوئے کہا کہ پہلے بھی لکھا تھا ترمیمی آرڈیننس پر فل کورٹ بیٹھنے تک خصوصی بینچزکا حصہ نہیں بنیں گے۔خط میں سر تھامس مورے کا قول بھی نقل کیا گیا ہے۔