مطالبہ کرتا ہوں فیض حمید کا اوپن ٹرائل کیا جائے،بانی پی ٹی آئی

بانی پی ٹی آئی نےکہاہےکہ میں مطالبہ کرتاہوں جنرل ریٹائرڈفیض حمیدکااوپن ٹرائل کیاجائے۔
اڈیالہ جیل میں صحافیوں سےغیررسمی گفتگوکےدوران بانی پی ٹی آئی کاکہناتھاکہ جنرل ریٹائرڈفیض کا معاملہ نیشنل سیکیورٹی کا مسئلہ نہیں لوکل مسئلہ ہے۔اوپن ٹرائل سے دنیا کے سامنے حقائق آجائینگے۔مجھے معلوم ہے یہ اوپن ٹرائل نہیں بند کمرے میں فیصلہ کریں گے۔میرے خلاف سارے کیسز collapse ہوچکے ہیں۔جنرل(ر) فیض سے ریٹائرمنٹ کے بعد کوئی رابط نہیں نہ کوئی تعلق رہا۔آدمی جب ریٹائرڈ ہوجاتا ہے وہ فارغ ہو جاتا ہے۔نو مئی کی سازش میری گرفتاری سے شروع ہوئی پتہ کریں میری گرفتاری کا آرڈر کس نے دیا۔
گفتگوکوجاری رکھتےہوئےاُن کامزیدکہناتھاکہ مجھے معلوم ہے مجھے گرفتار کرنے کا آرڈر کس نے دیا۔ فیض حمیدریٹائرمنٹ کے بعد مجھے کیا فائدہ دے سکتا تھا۔یہ احمق لوگ ہیں کہتے ہیں جنرل فیض نے مجھے کوئی فائدہ پہنچایا ہے۔ آرمی چیف سے اوپن ٹرائل کا مطالبہ کرتا ہوں، جنرل (ر)فیض اور میرا معاملہ فوج کا انٹرنل مسئلہ نہیں۔سول سابق وزیراعظم ہوں مجھے ملٹری کورٹ میں لے جانے سے پاکستان کا امیج خراب ہوگا۔ فیض ریٹائرمنٹ کے بعد ہیرو سے زیرو ہوگیا تھا۔اگر 9 مئی سازش کا مرکزی کردار جنرل (ر)فیض ہے تو مطالبہ کررہا ہوں اوپن ٹرائل کیا جائے۔