منکی پاکس کاخطرہ:تمام انٹری پوائنٹس پرہائی الرٹ کافیصلہ

منکی پاکس پھیلنےکاخطرہ ،تمام انٹری پوائنٹس پرہائی الرٹ کرنے کا فیصلہ  کر لیا گیا۔
وزیراعظم شہبازشریف کی زیرصدارت ایم پاکس سےمتعلق اہم اجلاس منعقدہوا،اجلاس میں ایم پاکس کی تازہ صورتحال، مرض سے نمٹنے کی پیشگی تیاریوں کا جائزہ لیاگیا۔اجلاس میں پاکستان کے تمام انٹری پوائنٹس پر ہائی الرٹ رکھنے کا فیصلہ کرلیاگیا۔اجلاس میں ٹیسٹنگ کے عمل کو تیز کرنے کی ہدایت کر دی گئی۔
اجلاس میں وزیر اعظم شہبازشریف کو ائیرپورٹس ،بارڈر ،ہسپتالوں میں انتظامات بارے بریفنگ دی گئی۔ٹیسٹنگ لیبارٹریز ، لیب کٹس و متعلقہ ادویات کی دستیابی اور اسکریننگ کے نظام بارے پر بھی بریفنگ دی گئی۔
اجلاس میں چاروں صوبوں کےاعلیٰ حکام،قومی ادارہ صحت اوراین سی اوسی کےحکام شریک ہوئے۔اجلاس میں وزیراعظم کےصحت کوآرڈینیٹرڈاکٹر مختار برتھ،سیکرٹری صحت، ڈی جی صحت شریک ہوئے۔
وزیراعظم شہبازشریف نےاجلاس میں تمام متعلقہ حکام کومنکی پاکس بارےضروری ہدایات کیں۔
وزیراعظم نےمنکی پاکس سےپاکستان کوبچانےکےلئےبھی پیشگی اقدامات یقینی بنانےکی ہدایت کی۔