پاکستانی ذہین لوگ ہیں،ہم پاکستان کونظراندازنہیں کر سکتے ،ٹرمپ

امریکی صدرڈونلڈٹرمپ نےکہاہےکہ پاکستانی ذہین لوگ ہیں،وہ تجارت کرناچاہتےہیں،ہم پاکستان کو نظر اندازنہیں کرسکتے۔
غیرملکی خبرایجنسی کی رپورٹ کےمطابق امریکی صدرڈونلڈٹرمپ کااپنےبیان میں کہناتھاکہ مجھےپاک بھارت سیزفائرکرانےپرسب سےزیادہ سراہاگیاہے،آج تک جس بات پرسب سےزیادہ سراہاگیاہےوہ پاک بھارت جنگ بندی کامیاب بناناہے،پاکستان اوربھارت بڑی ایٹمی طاقتیں ہیں،۔وہ کوئی چھوٹی موٹی طاقتیں نہیں،دونوں ملک ایک دوسرے سےناراض تھے۔
غیرملکی خبرایجنسی کےمطابق ٹرمپ کامزیدکہناتھاکہ یہ لڑائی بڑھ رہی تھی اورزیادہ میزائلوں سے حملے کیےجارہےتھے،وہ زیادہ سےزیادہ قوت سےحملے کررہے تھے،اگلامرحلہ، آپ جانتےہیں،بات نیوکلیئر ہتھیاروں تک پہنچ سکتی تھی،یہ سب سےبُری چیزتھی،جوہوسکتی تھی۔
غیرملکی خبرایجنسی کےمطابق امریکی صدرکاکہناتھاکہ پاکستان اوربھارت دنیاکی دوبڑی ایٹمی طاقتیں ہیں جوایٹمی جنگ کےقریب تھیں،نفرت انگیزی بڑھی ہوئی تھی،اورمیں نےکہاتجارت پربات کرتےہیں،پاکستان کےساتھ بہت اچھی بات چیت ہوئی۔
ڈونلڈٹرمپ کامزیدکہناتھاکہ ہم پاکستان کونظراندازنہیں کرسکتے،وہ تجارت کرناچاہتےہیں،وہ ذہین لوگ ہیں ،وہ حیرت انگیزاشیابناتےہیں،کیونکہ تالی دونوں ہاتھوں سےبجتی ہے،اورپاکستان کےساتھ میں نےتجارت پربھی بات کی،پاکستان سےامریکازیادہ تجارت نہیں کرتا اس کےباوجودکہ میرےپاکستان سےاچھےتعلقات ہیں،میرےبہت سےلوگوں سےاچھےتعلقات ہیں۔